晶百合餐廳

Open Now

Now Closed

九龍城新開餐廳，主打京滬菜式，現場師傅即叫即做手工製包點同拉麵，用料新鮮，無添加濟味精，希望食客可以用合理價錢食到健康嘅食物。另有精選午餐、下午茶同晚餐選擇，招牌海南雞、港式炒粉麵飯、鑊氣小炒、常餐、小食等樣樣有齊，老少咸宜，區內人又有多個選擇啦～自家製餃子有四款口味，有六/八粒選擇，可選擇湯/灼/煎、仲可以加麵或配酸辣湯底。皮薄餡靚，大粒飽滿，韮菜味出，又唔會蓋過豬肉香氣，值得一試。生煎包有兩/四粒，外層厚，咬落多汁，一粒都幾有份量，記得要趁熱食。酥炸豬扒擔擔拉麵，麵條偏軟身，掛汁，入口滑溜，擔擔味唔辣，小朋友都啱食，豬扒厚身，肥瘦適中，炸至酥脆可口，肉質都算嫩。蔥爆牛肉炒刀削麵第一次食，麵條QQ哋，味道同乾炒河一樣。最後要私心推介芝士焗菠蘿雞扒飯，熱辣辣，酸酸甜甜超開胃，雞扒大塊，配埋拉絲芝士同粒粒炒飯真係好邪惡。