Video
Read full review
2024-12-16
4 views
網上見到哩間超人氣手工意粉店，立即book左星期六中午去試試！我地大約下午1點鐘去到，Pici係週末及紅日會提供Brunch menu，所以我地叫左一個Brunch Set（$268），再單點一碟意式辣肉貓耳朵麵（$138） + Tiramisu （$60）Bocconi Brunch（前菜），包晒meun上既5樣小食，岩晒我哩啲選擇困難既人🤭- 吞拿魚他他、巴馬火腿多士、番紅花忌廉煮青口、舌拿魚醬小牛肉、羅勒蕃茄醬焗蛋羅勒蕃茄醬焗蛋配埋麵包個味道幾特別、開胃。唔知係米因為我地食得太快，佢地特登再拎多左幾塊麵包俾我地🤣Bocconi Brunch（主食），我地揀左茄子蕃茄醬手捲螺旋粉 （因為吳小姐唔食芝士所以走左芝士，不過唔建議大家咁做，芝士係精髓）手工螺旋粉非常加分，有別於一般螺旋粉， 相當煙韌，但係味道我個人就覺得中規中矩。而另一單點主食意式辣肉貓耳朵麵（唔記得走芝士🤭），可能因為形狀既關係，手工貓耳朵比螺旋粉多一份咬口。辣肉碎同羅勒葉亦令味道更多層次，個人更中意哩一碟主食。最後，甜品 - Tiramisu，大杯（單點）； 細杯（跟餐）暫時食過既Tiramisu頭3位！同其他餐廳
我地大約下午1點鐘去到，Pici係週末及紅日會提供Brunch menu，所以我地叫左一個Brunch Set（$268），再單點一碟意式辣肉貓耳朵麵（$138） + Tiramisu （$60）
Bocconi Brunch（前菜），包晒meun上既5樣小食，岩晒我哩啲選擇困難既人🤭
- 吞拿魚他他、巴馬火腿多士、番紅花忌廉煮青口、舌拿魚醬小牛肉、羅勒蕃茄醬焗蛋
羅勒蕃茄醬焗蛋配埋麵包個味道幾特別、開胃。唔知係米因為我地食得太快，佢地特登再拎多左幾塊麵包俾我地🤣
Bocconi Brunch（主食），我地揀左茄子蕃茄醬手捲螺旋粉 （因為吳小姐唔食芝士所以走左芝士，不過唔建議大家咁做，芝士係精髓）
手工螺旋粉非常加分，有別於一般螺旋粉， 相當煙韌，但係味道我個人就覺得中規中矩。
而另一單點主食意式辣肉貓耳朵麵（唔記得走芝士🤭），可能因為形狀既關係，手工貓耳朵比螺旋粉多一份咬口。辣肉碎同羅勒葉亦令味道更多層次，個人更中意哩一碟主食。
最後，甜品 - Tiramisu，大杯（單點）； 細杯（跟餐）
暫時食過既Tiramisu頭3位！同其他餐廳唔同，佢地既Tiramisu係用杯裝，一食落去先係好濃既咖啡味，之後會有好香既蛋味，再加埋中間夾住鬆軟既手指餅，多重層次，未食完一啖就想食下一啖！大家黎一定要食Tiramisu！😋😋😋
提外話，餐廳全部都係外籍人侍應，不過就非常友好，會不停幫我地加水，而且周不時會問我地覺得啲野食味道如何。哩個價錢，但有哩個服務質素，我覺得超值！
總結：最後計埋加一埋單$512，價錢唔算好貴，但係可以食到高質既手工意粉再加上靚靚環境同埋優質服務，中意食西式意粉既你絕對可以黎試下！
Post
