YOLO Cafe (Closed)

平時都中意試下樓上鋪既餐廳，通常有驚喜。今次係ig睇到銅鑼灣開左間新野，去開嗰頭就一於試下佢，一試有驚喜。店內既環境舒服，唔會話好逼咁，一望出窗外竟然有大廈遮住，冇壓迫感，係附近行到攰，嚟坐下飲杯咖啡都唔錯係呢頭竟然仲有呢個價錢既西餐，好抵食見個餐牌有手工意粉，就一於試試佢，意粉偏闊，口感幾煙韌，唔會話一pat野咁，加上肉醬既香味，食落比平時食既普通意粉有口感得多！另外，仲試左個雞鎚，唔會太油膩，食落香口，幾好食。野飲方面，有梳打、咖啡，今次叫左杯latte，咖啡味好香濃，但又唔會有苦澀味。