Video
Read full review
2021-09-07
57 views
平時好少去中環食嘢，覺得中環多數係啲高級餐廳，今日老婆話帶我去中環食好西，我第一個反應係勁驚個荷包會大出血！嚟到門口，見到咁有情調，都心知不妙，嗱嗱聲睇下個餐牌，原來係食 pizza 同 pasta，價錢唔貴之餘仲好多款式揀，而且撞啱 Happy Hour 時段，酒類仲有特價添！老婆話想食巴馬火腿，而我就想食煙熏三文魚同西班牙辣肉腸，所以我哋揀咗自選配搭 pizza。Pizza 係即叫即整，材料又超多，非常豐盛！而 pizza 上嘅芝士仲可以拉絲添！餅底又夠薄同脆，唔怕食到滯晒。Pasta 方面我哋揀咗帶子、蝦及煙肉卡邦尼醬寬大麵，醬汁係廚師親自調配。呢個寬大麵真係超好食！帶子夠晒大粒，蝦肉又夠彈牙，配埋芝士碎同卡邦尼醬，口感同味道都十分完美！既然咁啱嚟到 Happy Hour 時間，當然要叫支酒試吓啦！老婆怕酒精濃度太高會飲醉，所以我哋就叫咗果汁酒。alska 嘅 strawberry lime cider 容易入口，果味清香，我同老婆都好鍾意！邊飲住呢枝 cider，邊品嚐 pizza 同 pasta，真係夾到爆！環境仲要咁 chill，好值得一試再試！
嚟到門口，見到咁有情調，都心知不妙，嗱嗱聲睇下個餐牌，原來係食 pizza 同 pasta，價錢唔貴之餘仲好多款式揀，而且撞啱 Happy Hour 時段，酒類仲有特價添！
老婆話想食巴馬火腿，而我就想食煙熏三文魚同西班牙辣肉腸，所以我哋揀咗自選配搭 pizza。
Pizza 係即叫即整，材料又超多，非常豐盛！而 pizza 上嘅芝士仲可以拉絲添！餅底又夠薄同脆，唔怕食到滯晒。
Pasta 方面我哋揀咗帶子、蝦及煙肉卡邦尼醬寬大麵，醬汁係廚師親自調配。呢個寬大麵真係超好食！帶子夠晒大粒，蝦肉又夠彈牙，配埋芝士碎同卡邦尼醬，口感同味道都十分完美！
既然咁啱嚟到 Happy Hour 時間，當然要叫支酒試吓啦！老婆怕酒精濃度太高會飲醉，所以我哋就叫咗果汁酒。alska 嘅 strawberry lime cider 容易入口，果味清香，我同老婆都好鍾意！邊飲住呢枝 cider，邊品嚐 pizza 同 pasta，真係夾到爆！環境仲要咁 chill，好值得一試再試！
Post
