德記茶餐廳 (Closed)

今日，又黎聯和墟覓食。寶寶介紹呢間德記茶餐廳，係屋苑仔入面，主要做街坊生意，有外賣服務，所有食品都係即叫即做，所以等候時間相對較耐。下午茶，我地最鐘意叫炸雞脾薯角，加埋野飲都係三十蚊，外賣加一。炸雞脾，有我隻手掌咁大隻，即叫即炸，所以小心d油仲係熱架！雞皮炸到好脆，但雞肉仲係好嫩滑，亦唔會炸得太乾，雞肉汁鎖住係雞脾入面好味炸薯角，份量都幾多，又係炸得岩岩好，薯仔既份量多過麵粉。凍奶茶，茶味濃，香滑好飲，甜度剛好。因為係做街坊生意，呀姐同d客人都有講有笑，充滿親切感。