樓下冰室 (Closed)

荃灣呢區又多嘢行又多嘢食，小店或者連鎖大型餐廳都有齊。今次食呢間樓下冰室，主打滷水雞脾雞翼同蕃茄湯通粉，當然兩樣都要試下。滷水雞脾，超級大隻，差唔多好似手掌咁大隻。滷得幾入味，但個滷汁就略為甜左少少。滑蛋蕃茄通粉，加左豬潤。蕃茄湯味道好濃郁，飲得出好足料有好多蕃茄，但都係略為甜左D，落得太多糖。酸菜胡椒豬肚雞湯飯，呢個湯飯出奇地幾好食，胡椒既辛辣味好出，豬肚都處理得幾乾淨，仲有唔少既菜同腐竹。餐廳仲有唔少特色飲品，例如有綠豆冰同華田脆脆，味道都唔錯可以一試。