味口福 (Closed)

由麵包到漢堡都係自家製，港式漢堡包已經碩果僅存，呢間用心製作嘅又俾足料嘅就更加買少見少。佢座落係一個舊商場嘅近門口位，一眼就望到，個商場其實就無咩特別賣，唔係啲大公司會進駐嘅商場，所以返而益咗啲有心嘅小商戶可以發展一吓。香港地真係越嚟越貴租，食店越開越多，連商廈都變晒做食店，呢啲商場對食店嚟講越嚟越有得發展。講返啲嘢食先。成個包夾埋餡料有一隻手咁高，炸洋蔥圈，芝士，漢堡扒，生菜，蕃茄，千島醬，仲有煎蛋同薯餅可以加，份量夠晒滿足。再食埋個雜果沙律，加埋杯港式奶茶。算係對以前小學中學生涯懷舊一番。