燒味滷師 (安發大廈)

Open Now

Now Closed

位於長沙灣嘅呢一間燒味店 我成日經過都見到好多人排隊 ，今日難得我早放工，我就即刻趁冇咁多人去買返嚟試吓！呢一間燒味店，最平嘅飯盒雙拼先$22，完全唔知點解佢可以做到咁平，唔知可以點賺錢！但係相信都係想益街坊，呢個真係好欣賞！講返啲燒味先，叉燒蜜汁都幾出，燒得啱啱好，而且啲叉燒一啲都唔柴，質素都唔錯。而佢嘅招牌燒鵝，脂肪比例啱啱好，佢啲燒鵝肉好肥美，而且燒得好入味，啲燒鵝皮燒到脆卜卜，真係送兩三碗飯都搞唔掂！最後佢嘅手撕雞肉，都有分原味同辣味，我唔係咁鍾意食辣所以就揀咗原味，原味麻油香都幾出，手撕雞份量都唔少，兩三個人食都夠！