道頓堀御好燒專門店 (荃灣廣場) (Closed)

今次去呢間連鎖既餐廳，係自己落手落腳整比自己食。有frd之前提議想食大阪燒，就介紹呢間比我地。每個卡位都有一塊鐵板係前面。我地order左一個文字燒同大阪燒。唔需要擔心會唔識整，有menu係教你step by step咁一步步點做，雖然開頭有d困難，特別係要張成塊餅反轉個陣，不過最後都似模似樣，雖然邊邊位有散散地，但算都成功既。如果整到攰攰地或者唔識點做，都可以叫店員幫手燒，佢地態度好好。至於味道，其實都好食既，不過主要係燒餅醬汁同紫菜碎，所以都唔會差得去邊，想有得玩有得食既朋友都可以去試下呢間。