Sodam Chicken (Closed)

地方唔難搵，係因為有 promote 所以先黎試，因為炸雞太肥膩了，所以特登就叫左一個沙律黎食，佢個醬汁係柚子蜜咁，蝦就對切兩邊，好似好多既錯覺，菜都新鮮既，正正常常，無特別既味道。叫左個燈泡打卡酒影相，哈哈！呢個好易入口，水果酒既香甜我感覺全晚最出色就係呢個酒。太陽併盤，一上菜既芝士味幾香，但係煮溶左之後，加埋炸雞黎食，果種芝士味就變得唔濃了？？？種感覺似係落得比較多拉絲芝士，所以佢拉絲效果勁好，但味道淡。而炸雞亦唔出色，最好食係燒雞。炸雞食到個口好痛，比較乾硬啲。不過娛樂性好好，的確幾好玩既。