花說 (Closed)

有朋友住附近見到間野好啱打卡咁 決定黎試下 強烈建議大家要book位 店舖不大 我同朋友2個人 walk in等左大約15分鐘先有位入度去覺得幾靚 好有少女心 裝修都係以粉紅色為主調 我同朋友被安排係靠窗既位置 有吾同既擺設比大家影下相咁 啲公仔都幾可愛如果想坐係傳說中既打卡位影相既話就一定要book位 就係下面呢個位同朋友叫左兩個set lunch 包兩杯餐飲 打卡既話係吾錯野食既話坦白講非常之普通 食得落口但吾會食第二次 50分最多食完叫左個士多啤梨乳酪蛋糕 希望開心番啲 點知道但係令我地最失望既野食順帶一提 員工既服務態度真係有待改善 食完主菜舉手叫佢地上甜品 啲店員本身㩒緊手機即刻扮忙 等到有人應都催左4次先出到個甜品 等左30幾分鐘 當時成個場包括我地在內得一枱4位 3枱2位啫 真心吾明點解要等咁耐 希望佢地可以改善下上到黎個賣相吾錯 打算原諒佢地果陣 一咬落去 士多啤梨既味 乳酪既味 同蛋糕既味都冇 真係吾知自己食緊咩 最好食係旁邊兩粒心形既棉花糖 仲要等左半個鐘淨係想打卡呃下like既話係ok既 但追求食物既質素同服務既話就吾建議大家黎呢度啦