漫花燈火OMG (Closed)

一見到呢間餐廳既裝修就被吸引，係粉紅色既主調，非常少女，岩晒一班女仔一齊黎打卡呀！🩷自家製酥皮黑魚籽牛油果煙三文魚水牛芝士波波他他呢個整得好靚，成個脆皮波波入面分佐幾層，層次分明，最底層係牛油果，之後係蕃茄，再上係煙三文魚，最頂係水牛芝士波波，脆皮頂仲有黑魚籽，口感味道勁豐富，又咸香又鮮味，出色到爆！🧡慢煮比利時杜洛克橄欖豬鞍伴脆甜番薯條豬鞍扒好大塊，份量十足，煎到表面焦脆，切開啲豬肉仲好軟腍，肉質好好，一啲都唔鞋，點啲燒汁食就仲香，甜蕃薯條都係即炸，好香甜，點啲茄汁酸酸地咁食就仲滋味！💚青蘋果青檸檸檬梳打成杯梳打都係青綠色既，酸酸甜甜，凍冰冰一大杯，非常解渴消滯！💛伯爵茶拿鐵一杯又有茶味又有咖啡味既飲品，幾層口感，亦有適量既奶香，凍凍地好好飲！