Bello Dining (Moved) New Location

最近行經係天水圍新開既天一商城，發現裏面有好多唔同種類既餐廳，而呢間Bello Dining可講係特別出眾。一黎商場附近少呢種cafe，可以俾三五知己坐低聚下舊，食下野，傾下計；二黎佢既食物款式算多，味道唔錯，價錢合理，叫幾份share好着數。芝士吞拿魚焗薯皮，芝士可以拉成絲，mix埋濃郁既吞拿魚同薯茸，大大啖咬落去，非常滋味。香脆流心芝士條，名副其實地，芝士係流心既，，第一啖直接咬，外面炸到脆卜卜，入面就好幼滑，第二啖蘸上千島醬，又係另一番享受。忌廉吞拿魚長通粉，叫呢份係有少少失策既，因為吞拿魚同之前焗薯皮既係一樣既，只係呢個有汁，冇咁「傑」，不過長通粉煮得幾好，我地都鍾意少少軟既。香辣烤雞薄餅，冇想像中咁辣，同埋雞肉粒少咗d，但係芝士同蕃茄醬就好足料。經典漢堡配薯條，牛肉漢堡整得唔係咁均勻，因為切開之後我分到既果份，特別多胡椒粒，雖然辣，但咬落肉汁多，加埋配菜係好食既。