和田便當 (Closed)

去開金鐘，想簡單快捷食個lunch。見一間非常新奇嘅便當售賣機舖頭，價錢都合理，決定一試。間左個韓風烤牛肉便當🍱 $48嘟左八達通之後，便當就會慢慢推出嚟，然後喺出口度攞，過程1分鐘搞掂。 便當攞上手暖暖地，有埋筷子比你，唔使擔心冇餐具。便當份量識合女仔食， 有玉子燒同一啲日式嘅配菜，韓風牛肉就係一啲辣嘅椰菜炒紅蘿蔔絲同肥牛。 肥牛份量都合理，飯就大概一碗份量左右。唔算辣，唔食辣嘅人都可以試吓。佢每日嘅餐單都唔同，一日有五款選擇，鋪裏面有兩部機，而且買賣過程2分鐘搞掂，都唔使驚話要排好耐隊。除咗便當，佢仲有一啲燉湯飲，感覺非常滋補，價錢大概係四十幾至五十幾蚊，我覺得比起喺7-Eleven買件三文治，有陣時想食啲熱嘅飯都可以考慮吓喺度買便當，又唔洗自己叮。