Video
Read full review
2013-07-21
643 views
晚上同朋友喺LCX睇完吉卜力首間海外精品專賣點經已差唔多10點，結果唔少食店都準備收爐，所以啦啦臨衝去iSQUARE搵嘢食！睇左水牌一定決定朋友食過嘅「火頭山」，立即殺上去！上到去咁夜梗係無人，仲食緊嘅只剩翻一台人，所以等都唔使等，不過一去到經已係Last Order時間，所以我哋都好快咁決定好食咩！一坐底著見到特別Menu「魷魚筒飯餐」，不過每日限定供應10個，正諗緊應該無嘅時侯，侍應竟然話有，到底係有多定無人叫，真係無人知啦哈哈。一Set有飯又有面，不過魷魚筒太硬身，糯米則太淋太黏，絕對稱唔上好味，試過就好。講起火頭山，拉面絕對係佢哋主打，今次我試嘅鹽味拉面水準超高，碗中央一顆鹹鹹的脆梅，就係山頭火拉面嘅標記，不過個人並唔太鐘意食XD鹽味湯底非常好喝，有濃烈嘅海鹽味道，但又唔會好咸，有機會我好想要親眼看他到底點整呢個湯底XD另一位朋友點了近期人氣急升嘅「沾面」，面條其實無咩味，所以面汁相對較咸，不過其實食沾面好易中伏，就算你喺日本都係咁話，火頭山應該算係中上了。另外叫了煎餃子，雖然有啲燶左（相片係特意反轉再影嘅），不過真係超好食，必點之選！飲品就朋友點的牛奶抹茶，還不錯的。值得一讚
睇左水牌一定決定朋友食過嘅「火頭山」，立即殺上去！
上到去咁夜梗係無人，仲食緊嘅只剩翻一台人，所以等都唔使等，不過一去到經已係Last Order時間，所以我哋都好快咁決定好食咩！
一坐底著見到特別Menu「魷魚筒飯餐」，不過每日限定供應10個，正諗緊應該無嘅時侯，侍應竟然話有，到底係有多定無人叫，真係無人知啦哈哈。
一Set有飯又有面，不過魷魚筒太硬身，糯米則太淋太黏，絕對稱唔上好味，試過就好。
講起火頭山，拉面絕對係佢哋主打，今次我試嘅鹽味拉面水準超高，碗中央一顆鹹鹹的脆梅，就係山頭火拉面嘅標記，不過個人並唔太鐘意食XD鹽味湯底非常好喝，有濃烈嘅海鹽味道，但又唔會好咸，有機會我好想要親眼看他到底點整呢個湯底XD
另一位朋友點了近期人氣急升嘅「沾面」，面條其實無咩味，所以面汁相對較咸，不過其實食沾面好易中伏，就算你喺日本都係咁話，火頭山應該算係中上了。
另外叫了煎餃子，雖然有啲燶左（相片係特意反轉再影嘅），不過真係超好食，必點之選！
飲品就朋友點的牛奶抹茶，還不錯的。值得一讚嘅係店員服務超好，雖然經已準備打烊，而且得翻我哋一台客，不過仍然好好招呼，仲會主動為我哋加水！
Other Info. :
唔知係咪趕收鋪，最後張單計錯數每人都只係食左6x蚊，面對呢個意外嘅折扣，我哋決定默默接受（掩面）
(The above review is the personal opinion of a user which does not represent OpenRice's point of view.)
Post
