友記甜品 (Closed)

友記係荃灣都開左好多年，之前係荃灣返工，間中都會收工黎食下宵夜，鍾意佢熟食即叫即整熱辣辣，但今日因為已經食左飯，所以食個甜品算了。俾隔離檯吸引到叫左呢個小型西瓜盅，除左有西瓜粒同哈蜜瓜粒外，入面仲裝住椰果，涼粉同珍珠，而雪糕亦可以揀其他味，食晒內餡後，仲有好多西瓜肉可以挖出黎食，非常鮮甜多汁，夏天食真係份外消暑。友人最愛食心太軟，所以另一樣叫左朱古力心太軟配雲呢拿雪糕，心太軟切開即時有朱古力漿流出，熱熱既朱古力漿加上冰凍既雪糕，非常好味。