つけめんTETSU (Closed)

星期日打風 搞到去吾到跳舞。都好 懶洋洋係床碌左成日。下午落左波 係時候出動。就坐車去銅鑼灣。因為巴士站改左 唯有早一個站 係金龍果度落車。途經鵝頸橋天橋底 見到呢間沾麵店。好早已經想試下 但每次見到人龍就掉頭走。最憎排隊。今次吾使排 不特止 入到佢仲係第一個客人。都五點幾六點啦，冇人嘅？可能打風關係 有員工都係岩岩返到工。入到去真係隨便坐。本來我地兩個人 吾好意思坐四人枱啦，但店員話 冇所謂啦 坐邊都得🤣咁就簡左角落嘅四人座位！有普通size同埋加大份量。都係$89 咁梗係要大份啦！ 我要嘅係冷麵 浸入熱沾麵湯 混合左嘅溫度岩岩好 非常好味！麵嘅硬度又夠 我最怕食林茲茲嘅麵。沾麵湯入面啲乂燒夠林 好入味。我個女叫左份辛辣沾麵 加辣粉原來係蝦米仔加好似炸蒜&辣椒再叫多個炸餃子食左一半麵 已經開始飽。但係啲麵好正 食到尾啦諗住。到剩返一小駐 算啦 真係頂吾住。咁我相信應該當初叫個普通size嘅都夠。下次要記住啦。吾好浪費食物👉🏻👈🏻。打風日 都食到咁悠閒好味嘅食物 吾錯！有機會再食！