發記腸粉粥品

Open Now

Now Closed

之前山長水遠入到去大埔做嘢，喺大埔消防局附近諗住周圍搵食，但係都無一間睇到上眼。咁啱見到間發記腸粥品，突然諗起好耐冇食粥同埋炸兩，就衝咗入去試一試！我叫咗個碎牛粥同埋炸兩，食物等嘅時間都比較長，需要15分鐘。但係嚟到嘅時候令我喜出望外！原來碎牛粥唔係整定嘅，係立即幫你煲起，炸兩入面條油炸鬼亦都係好脆，外面層粉皮又薄又滑，再加埋至愛嘅甜醬，麻醬同埋芝麻，好快就畀我清咗碟炸兩！食完之後碗粥啱啱入得口，碗粥煲到綿綿嘅感覺，有少少漿口，碎牛亦唔會好大嚿黐埋一齊！ 必定番去再食！