屋喔 (Closed)

Sogo感謝祭梗係要掃下貨，今晚放工一個人行完街搵地方食飯，喺商場門口就有人派左呢間餐廳既傳單比我，見幾抵食又未試過終於上左去，等左一陣就有位。點左一set台式家常晚餐: 古早味三杯雞 $98 (配魚湯時菜、前菜及白飯+配送$32或以下飲品一杯）。魚湯時菜不過不失。前菜有3款選擇（嫲嫲醬油雞翼/麻辣牛舌/台式糖心蛋），我揀左嫲嫲醬油雞翼。雞翼係冷盤，醬油浸住雞翼夠入味。古早味三杯雞一睇就知入味，肉質就唔算嫩，醬汁味道甜甜地，拌飯食唔錯。配左杯荔枝玫瑰綠茶（$34），補左$2。賣相都幾吸引，果汁溝綠茶味道唔會太甜，都幾解渴。