夢工房西日料理 (Closed)

今日同朋友嚟到呢度食午市放題，天氣凍凍地於是我哋升級有埋火鍋：可以有暖笠笠嘅感覺首先梗係餐前小食同沙律，都係一啲日式嘅小食例如芝麻八爪魚，蒜味螺肉，特別啲嘅有梅酒凍蝦, 新鮮菠蘿，至於沙律方面有三款沙律, 個人特別鍾意柚子大蝦沙律，比較清新講得係日式，當然唔少得壽司，手卷同刺身呀，壽司有成十幾款，個人特別推介火焰蟹棒壽司，火焰鰻魚壽司，呢兩款覺得特別好味至於手卷方面甲羅蟹肉手卷都好有水準，同埋炸蝦反卷都唔錯，而刺身都一樣有好多選擇，我就特別鍾意食甜蝦刺身，真係好鮮甜🍣🍣另外佢哋仲有鐵板燒，羊架當然係回本必食㗎啦，另外一口腸，西冷牛扒，雞扒都唔錯揚物，都係日式料理必有嘅選擇，個人特別推介吉列蠔，蒜味單骨雞翼，炸得唔會話太厚粉，可以保持保持肉汁如果唔夠飽仲可以叫拉麵或者飯或者手打烏冬，有幾個主菜可以配搭，例如雞肉，香煎豬柳，叉燒等仲有當然最精彩嘅就係我哋嘅升級火鍋啦，超過20幾款配料配料，同三款湯底可以選擇，我哋揀壽喜燒湯底，鍾意佢個汁比較濃，牛肉等材料都唔需要配豉油就已經好夠味，而且佢嘅火鍋配料仲會有海蝦,海蜆等海鮮提供都好物超所值😍😍😍最後當然係甜品時間啦，佢哋有好多小蛋糕，啫喱，同埋