果子｜海南雞飯·喇沙摻摻 外賣專門店

Open Now

Now Closed

收工經過依間果子外賣店，見價錢都幾抵，就決定試吓啦。叫咗份招牌海鮮喇沙摻摻，加咗份小食香辣魚餅，另外叫咗一份馬來肉骨茶飯，加咗沙嗲雞肉串。所有食物都好足料，性價比極高，海鮮喇沙入邊有兩隻蝦，蜆，豆卜，雞蛋，魚蛋，芽菜。麵嘅份量都好足夠，隻蝦食落都幾新鮮，唔似用冰鮮急涷蝦，所以我個人覺得呢間外賣店好有誠意。整體味道好啱我口味，食完唔會話好口渴嘅湯底，都唔會太辣，啱晒我呢啲平時淨係食3小辣嘅人。馬來西亞肉骨茶飯，亦都好多配料，藥材味適中，靈魂食材豆卜索晒啲汁超入味，亦都有隻雞蛋，平時我食開肉骨茶好少見有雞蛋，所以有啲驚喜。下次有機會都想試吓其他款，有啲便當都幾吸引。整體嚟講呢間都算高性價比，如果有得堂食都幾好。