糖佰府 (Closed)

同朋友食泰國菜之後 跟後食埋糖水是常識吧 夏天最好就係食榴槤嘅季節 我同朋友都可以話係榴槤控 對於榴槤香味完全無法抗拒糖佰府係openrice嘅人氣唔錯 一於試下 餐廳雖然唔係好大 但係畀到我一種好溫暖 好親切嘅感覺牆上面貼滿咗甜品同埋明星嘅相 相信食物嘅口碑同人氣指數一定非常高作為榴槤控嘅我 一定係點榴槤製嘅甜品流連忘返$38大大嚿榴槤雪糕 榴槤味香濃 食到淡淡嘅榴槤肉 加上小丸子 椰果 口感層次豐富 加上椰汁底 又香又滑榴槤班戟$30外皮好薄 中層係軟綿綿嘅忌廉 裏面係榴槤蓉 口感微凍 首先食出來的是淡淡的忌廉香 最後 榴槤香味充斥著滿個口腔 令人回味無窮