妹記生滾粥品

Open Now

Now Closed

心血來潮想食粥，誤打誤撞黎到”妹記”。唔知點解，一見到煮粥既伯伯，同鋪頭既門面，已經同自己講，呢度既粥應該可以食番兒時既味道。果然，無令我失望。食粥配油炸鬼是常識吧。呢度既油炸鬼係碎上，脆得黎又唔多油，不過價錢就比一般粥檔貴。腸粉價錢都係偏高，口感只屬一般，唔夠滑，唔值$14，深水埗合興腸粉滑得多。叫咗兩碗粥，一碗及第粥，一碗豬腰膶粥。其實味道同賣相兩碗都差不多。食第一啖就FEEL到係舊式粥店既味道，食得出唔係用米漿開既粥，會見到有米粒，粥面有D生菜絲。豬腰膶嗰碗既材料及第都有晒，而及第仲有豬粉腸同豬肉丸。值得一讚係豬膶，夠爽口，無”押”味，無渣。相比下豬肉丸味道一般，無乜特別。眼見同枱都好多人叫魚腩/魚片/魚皮，下次一定要試下。