韓正屋韓國料理 (搵食市集) (Closed)

愛韓國野既我，聽到朋友話原來搵食市集有韓國野，上次黎都未開，決定試試佢。好多唔同既韓國野之選，重點係有我愛既紫菜飯卷、炒粉絲同拌飯。呢間韓式小店好多選擇，款式都多。 韓式牛肉紫菜卷（$38)牛肉好有鮮味，配搭埋黃蘿白，酸酸甜甜，加埋各式各樣既配菜，令人食唔停口，都忘了自已係食緊咁飽肚既飯。左中 -涼拌韓國海帶（$10)佢既海帶相當入味，唔會太 辣，甜味相對較多。中上-雜錦牛肉拌飯（$ 48)配料豐富，加埋佢地既泡菜，好開胃，好好食。 中下-拉絲芝士炒年糕（＄52)好愛佢既拉絲感覺，加上年糕唔會太辣，岩晒我呢個唔食得辣，但又鍾意食韓式炒年糕既人。中下左-炸雞雞肉不會像平日的一樣冷鮮味為主，而是像炸雞脾肉一樣，不會乾淨淨，而是滿有肉汁，加上佢既芥末醬，令人忍不住食完一舊又一舊。呢間野食絕對會Encore，以佢質素絕對值得開分店，見佢雖然人手小小，但對每個客人態度十分友善，也會為客人推介不同味道的配搭。同時因為我想盡量環保，帶埋自己餐盒去，店員無嫌棄之餘，仲好努力幫我想辦法，真心感謝佢地。