千之味刺身壽司專門店 (雅都花園)

Open Now

Now Closed

日日都成4000幾宗確診，好多人都減少外出食飯，外賣壽司都係個幾唔錯嘅選擇。唔想成日食咩咩郎、 咩鮮，所以喺千之味買左個壽司拼盤同屋企人食。🍣 千之味壽司盛盒A(25件)$268-吞拿魚沙律軍艦大大啖呑拿魚伴沙律醬，足料。-三文魚壽司厚切三文魚塊，入口冇過分肥膩嘅感覺。-帶子壽司刺身級數帶子開邊，又甜又新鮮，入口即溶。-吞拿魚壽司吞拿魚壽司不容易處理，拎到返屋企依然紅卜卜，味道友好。-鰻魚壽司經火炙後帶有少少焦香，加埋醬汁，一流！-玉子壽司蛋香濃郁，唔會過甜，而且有咬口。-油甘魚壽司魚油豐富，食落口油香充滿口腔而且肉質鮮嫩。-龍蝦沙律軍艦龍蝦肉爽口彈牙，一啲都唔膩。屋企人鍾意食海膽，所外另外叫左兩件:-海膽軍艦 $48果真「膽」大包天，海膽肥大肉厚，味道新鮮。