616牛肉火鍋專門店 (Closed)

新一波疫情又黎到，依家6點後禁堂食，但又好想打邊爐，要乖乖留喺屋企食嗱！但自己出去買料又嘥時間又難預份量，上FB見到616做緊抗疫優惠，外賣自取四人火鍋餐只需$568咋喎，即係每人只需百零蚊就食到！最正係所有食材已經預先處理好，返到屋企只需開晒啲盒，同埋滾好佢個湯底就可以開始食嗱！仲有咁多牛肉款式可以試，份量唔少，好似幾抵，一於買黎試試！理想點「鮮」湯底：即係牛骨加白蘿蔔湯底！唔好講笑！個湯一滾我好快手已經飲咗一碗，好鮮甜！平常打邊爐怕肥，我好少會食麵，但因為個湯底太甜好好味，我竟然食咗兩碗呢度就係四人餐份量，有7碟唔同款嘅牛肉、4隻帶子、菜、峰巢豆腐、芋絲、兩個烏冬、兩個公仔麵，炸魚皮。另外仲加錢加咗一碟牛朴肉及一碟牛舌，份量真係幾豐富！食後感：份量夠！味道好！新鮮！美中不足就唔係碟碟都有寫名，食咗覺得好味嘅肉，到最後都唔知食緊邊個部位！不過呢個價錢真係物超所值！但如果食量大嘅朋友，都建議自己額外再加多少少野食！