糖兄弟甜品屋 (Moved) New Location

位於柴灣區內少數有質素甜品鋪。一至日都開淨係開夜晚。今次就簡左芒之戀人，貪佢有埋奶凍，一個價錢可以享受兩款甜品咁😂奶凍夠滑有奶味，質地唔會散開一pat野咁，夾埋d芒果冰食好好味。芒果肉又夠大粒又甜。芒果沙冰底又夠凍，加上爆珠椰果又唔會下下食冰咁悶，出奇地夾。雖然冇左堂食得返外賣，個冰底都夠凍又多，所以拎到返屋企都唔會變曬水，佢仲出左其他新款，仲可以WhatsApp 落order ,唔洗係條街度等咁耐。