潮龍清湯腩 (Closed)

收工入黎大西北，梗係要搵啲地道又抵食嘅野試下啦。小食：豚肉炸餃子（無激素無抗生素添加）皮脆得黎唔太油，入面啲豬肉都幾多，有少少香甜嘅肉汁，幾粒做餐前小食，份量剛剛好。仲要價錢先$10一份，真係超抵食！雙餅粉麵：清湯牛坑腩加冬菇木耳豬肉雲吞河粉牛坑腩半肥瘦，連少少筋，夠入味又夠淋，連埋筋好perfect！仲有個雲吞，皮薄得黎，冬菇同木耳非常爽口，加埋豬肉香甜多汁，好有口感同誠意。另外配料仲有蘿蔔，全部都好足料，食到超飽！雪梨菊花茶呢個老闆娘推介嘅飲品，係自家制嘅涼茶，用雪梨同菊花加蜜糖，每日新鮮製造。煲出黎嘅茶好清甜，而且飲得出好重嘅菊花味，夠曬清熱。值得一提老闆娘服務態度好好，同個個客人都有講有笑，好有人情味。