Video
Read full review
2020-05-09
28 views
好耐冇同朋友食飯，諗住搵啲小人啲嘅地方，朋友推薦嚟長沙灣熟食中心，話呢度好多嘢食。見到呢間餐牌話二百幾蚊又多嘢揀，又可以任食，感覺都幾抵，仲要話包一個海鮮拼盤！結果，海鮮拼盤嚟到，果然冇令我失望，淨係睇樣都已經知道好新鮮，可能真係因為街市就喺樓下啲蜆同元貝都超級大隻，仲要有鮑魚添！龍蝦仲要勁多膏超級吸引！等唔切即刻整蒸左啲蝦同埋鮑魚仲有雞件食，本身以為海鮮好出色，點知黃油雞都好有驚喜，啲肉好嫩滑，平時好少機會食到咁嫩嘅雞件！鮑魚同蝦都好新鮮，肉質超級彈牙！因為佢Menu有教每一樣野要蒸幾多分鐘，我哋跟足，所以全部都蒸得啱啱好，唔會過老過嫩，同埋海鮮新鮮都唔需要太多調味，雖然佢有提供豉油蔥蒜嘅調味料，但其實都唔使點！好似啲元貝咁，就咁蒸都超級鮮甜，飲埋入面啖精華，正！牛肉都超級正，都係果句食蒸野最緊要食材新鮮！其實都幾佩服佢，呢度仲有可以叫熟食，我哋就叫咗個蟹試吓，當然冇蒸海鮮咁出色，建議可以留肚試其他！蒸完海鮮就可以用下面層鍋嚟打邊爐！食材都超級多選擇仲要任食都唔知佢賺乜！極力推薦呢度嘅水餃雲吞，都冇諗過食海鮮會食到咁好味嘅水餃雲吞，我哋encore左兩次，因為應該係新鮮包，啲皮好薄跟
結果，海鮮拼盤嚟到，果然冇令我失望，淨係睇樣都已經知道好新鮮，可能真係因為街市就喺樓下啲蜆同元貝都超級大隻，仲要有鮑魚添！龍蝦仲要勁多膏超級吸引！
等唔切即刻整蒸左啲蝦同埋鮑魚仲有雞件食，本身以為海鮮好出色，點知黃油雞都好有驚喜，啲肉好嫩滑，平時好少機會食到咁嫩嘅雞件！鮑魚同蝦都好新鮮，肉質超級彈牙！
因為佢Menu有教每一樣野要蒸幾多分鐘，我哋跟足，所以全部都蒸得啱啱好，唔會過老過嫩，同埋海鮮新鮮都唔需要太多調味，雖然佢有提供豉油蔥蒜嘅調味料，但其實都唔使點！好似啲元貝咁，就咁蒸都超級鮮甜，飲埋入面啖精華，正！
牛肉都超級正，都係果句食蒸野最緊要食材新鮮！
其實都幾佩服佢，呢度仲有可以叫熟食，我哋就叫咗個蟹試吓，當然冇蒸海鮮咁出色，建議可以留肚試其他！
蒸完海鮮就可以用下面層鍋嚟打邊爐！食材都超級多選擇仲要任食都唔知佢賺乜！
極力推薦呢度嘅水餃雲吞，都冇諗過食海鮮會食到咁好味嘅水餃雲吞，我哋encore左兩次，因為應該係新鮮包，啲皮好薄跟住啲肉餡又做得好，所以咬落有湯汁得嚟又夠鮮味！
唔記得提呢度啲飲品好似汽水啤酒都係任飲任拎！
總結，呢度嘅價錢真係抵到爛，而且海鮮真係好高質，當然係熟食中心就唔好希望個環境係好浪漫好有情調嘞，但呢個價錢真係冇得輸！
Post
