潮叔 (駱駝漆大廈第三座) (Closed)

中午嚟食一人火鍋，$88好抵食。佢哋出菜快，個爐又夠力，返工lunch time都食得切。最正係有得揀牛嘅部位。我揀咗「吊龍」，貪佢肉味濃郁又有啲咬口。冇諗過一人份量都咁大碟，仲要係厚切。臨走見到門口有得買，真係有啲心思思想買盤返屋企。蕃茄薯仔湯唔係即食湯包，係天然蔬菜嘅甜味。家常但幾好食。可惜之後先知佢哋最受歡迎嘅係沙茶湯。下次要試下。五寶丸質素唔錯，潮州白魚蛋幾彈牙。仲有時令菜籃，一個人食啱啱好。