Video
Read full review
2019-01-07
2310 views
蒸氣鍋12月中打電話訂位 接線生話近期都full了 要到5/1先有位可以預訂 咁就訂左5/1 (8:30 p.m.)大概8:25 p.m. 去到門口 有成幾十人喺門口等緊 望入間鋪裡面 一個食客都無原來係分時段食既 第一個時段食既客人走哂清理完畢 先再入第二時段既客人 OIC🕣時間到了 8:30 p.m. 有位接待員就會企喺門口度叫預訂左既客人既姓氏同電話號碼（頭4個字）📣📣無預訂既walk in 客想食就要等預訂客入哂而仲有位剩 或 有預訂客放飛機先有得食 所以訂位好啲 📞☎️我們二人被安排咗去上層坐 二人枱 位置都算寬敞 環境尚算乾淨 裝潢就一般般了 枱面上有兩張紙 :-（1）8款指定海鮮 🦞🦀🦑🐠🦐自選調味方式 （例：清蒸/剁椒/金銀蒜/豆醬 等等⋯⋯）（2）8寶蒸飯 自選8款配料侍應生服務態度唔錯 知道我地第一次來 面帶笑容咁詳細講解咗一次上面個兩張紙比我地聽 仲提我地 「如果你地想食既味道唔同係可以一款海鮮選擇兩個調味方式」填好兩張紙之後 熱辣辣燉湯好快就送到你面前 雪梨腰果沙參玉竹煲瘦肉湯 一啲都唔油膩 足料燉湯 唔錯夠滋潤 味道唔錯 只係略嫌雪梨酸味過咗界享受燉湯既同時 蒸
12月中打電話訂位 接線生話近期都full了 要到5/1先有位可以預訂 咁就訂左5/1 (8:30 p.m.)
大概8:25 p.m. 去到門口 有成幾十人喺門口等緊 望入間鋪裡面 一個食客都無
原來係分時段食既 第一個時段食既客人走哂清理完畢 先再入第二時段既客人 OIC
🕣時間到了 8:30 p.m. 有位接待員就會企喺門口度叫預訂左既客人既姓氏同電話號碼（頭4個字）📣📣
無預訂既walk in 客想食就要等預訂客入哂而仲有位剩 或 有預訂客放飛機先有得食 所以訂位好啲 📞☎️
我們二人被安排咗去上層坐 二人枱 位置都算寬敞 環境尚算乾淨 裝潢就一般般了
枱面上有兩張紙 :-
（1）8款指定海鮮 🦞🦀🦑🐠🦐自選調味方式 （例：清蒸/剁椒/金銀蒜/豆醬 等等⋯⋯）
（2）8寶蒸飯 自選8款配料
侍應生服務態度唔錯 知道我地第一次來 面帶笑容咁詳細講解咗一次上面個兩張紙比我地聽 仲提我地 「如果你地想食既味道唔同係可以一款海鮮選擇兩個調味方式」
燉湯
175 views
0 likes
0 comments
填好兩張紙之後 熱辣辣燉湯好快就送到你面前
雪梨腰果沙參玉竹煲瘦肉湯 一啲都唔油膩 足料燉湯 唔錯夠滋潤 味道唔錯 只係略嫌雪梨酸味過咗界
享受燉湯既同時 蒸氣就開始撲面
因為侍應生已經開爐幫我地蒸第一道海鮮🦞龍蝦 控制時間蒸幾耐都係佢地較好 我地只係等食 蒸好之後都係侍應生由蒸爐攞出來 分去我地個碟度
全場蒸爐同時蒸緊 現場如仙境般 迷霧重重 抽風系統唔夠勁
波士頓龍蝦
138 views
0 likes
0 comments
清蒸龍蝦🦞味道鮮甜 肉質彈牙 多膏又新鮮
剁椒蒸龍蝦🦞少少辣好惹味 因為夠新鮮 點整都係好食既
鮑魚
112 views
0 likes
0 comments
果皮蒸鮑魚 本身鮑魚都新鮮 蒸煮時間剛剛好一咬就開 食落口有果皮香同薑味
略嫌薑絲太多 果皮絲唔夠幼
如果有少少鼓油可以蘸下 提下鮮會更好
（無提供任何調味料俾客人）
帶子
94 views
1 likes
0 comments
金銀蒜蒸帶子 & 鼓汁蒸帶子
帶子係痴住個殼既 新鮮 味道鮮甜 鼓汁味就比較濃 有啲掩蓋咗個鮮味 但都好食 金銀蒜蒸係
花甲
73 views
0 likes
0 comments
清蒸花甲 乾淨無沙 唔會蒸過火
多寶魚
68 views
0 likes
0 comments
鼓汁蒸多寶魚 食得出係新鮮 不過太多豆鼓 所以唔係好食到魚味 同埋條魚本身比較細條 唔識食魚既人 就會嫌骨多
鮮魷魚（腸粉底）
75 views
1 likes
0 comments
沙嗲醬蒸鮮魷（腸粉底）食材新鮮 無咩特別
蟹
51 views
0 likes
0 comments
清蒸肉蟹 多肉仲要有膏 鮮味
金銀蒜開邊蒸蝦 蝦比較細隻但新鮮爽口 每人有兩隻 味道不過不失
食完所有海鮮 會有個8寶蒸飯 個飯既份量大概每人有兩碗 因為已經食唔落 所以只好打包攞走
最後會上糖水 今日係木瓜雪耳 足料夠火喉 飲落有膠質 唔會太甜
埋單無加一 不過茶水無提供
服務質素好 可惜人手唔足夠
整體來講$2xx 一位 確係抵食
Post
