一起燒火鍋烤肉店 (Closed)

一行6人黎到"一起燒"星期六晚7點半,都唔洗等位.可能因為商場人流唔多.一入座,店員就拎左3碟配菜同一碟生菜黎👍🏻見到有人食豆腐花,餐牌入面又無,所以出去睇睇!出面有豆腐花提供,但咁啱我出到去就無晒,問店員仲有無,佢話要睇師傅有無整.叫左好多野食,牛小排,牛扒,牛仔骨,羊架,豬肉,芝士年糕,茄子等等全部味道都唔錯!食落無梳打粉味!太多鋪頭都用梳打粉或者鬆肉粉!但呢間食唔出!👍🏻食食下見到出面有條人龍, 原來又有豆腐花啦!即刻出去拎! 味道唔錯, 食咁多肉同油膩野,食返碗豆腐花,真係好正!叫埋飲品, 埋單都係700幾蚊6個人, 都食到好飽! 又抵食,又新鮮👍🏻