唐記包點 (德田廣場)

Open Now

Now Closed

唐記嘅包點同蒸飯好食，價錢又平，經常都會買返屋企同屋企人一齊當午餐/晚飯。蒸飯做緊優惠，每日精選只係$20。今日嘅精選係鳳爪排骨飯，鳳爪同排骨都好入味，排骨每件都好多肉，飯嘅口感都好好。而且最近嘅包做緊優惠，生煎包同窩貼$15三件。生煎包同鍋貼都好大好足料，一咬落去啖啖肉，真係好抵食！點心水準幾高，味道同酒樓食到嘅一樣，平時想食茶樓點心落來買就得，唔洗特登去酒樓都食到。燒賣大粒而且肉好爽滑彈牙，鮮竹卷好入味，雞扎好多料，非常豐富。