十勝牛和食料理

Open Now

Now Closed

做完野夜晚餓餓地，就去左油塘食十勝牛，以前係石硤尾食過，今次試吓呢間店。本身睇過食評話服務員態度唔好，但我今次唔覺，一切都好舒適。坐低就開始眼花撩亂，因為好多野食揀，仲樣樣都唔算貴，樣樣都想試。掙扎取捨後揀左鰻魚飯，因為我真係幾中意食鰻魚，就試試佢。另外，仲加左串汁燒冬菇，配左檸檬幾特別，成個口感唔會好油，值得一試。鰻魚飯符合預期，係好食嘅，大家可以安心黎試，餐廳仲要場地幾大，四人行都ok，應該唔洗等太耐位，又近地鐵站，散水都方便。