堤諾比薩 (Closed)

深水埗真係有好多唔同類型嘅餐廳，咁多美食，我自己呢就鍾意揀啲有良心嘅餐廳去幫襯。當然性價比亦好重要，第一次幫襯呢間台式多國菜餐廳，我覺得整體幾唔錯。-香脆粟米球本身對呢款小食期望不大，雖然係炸物，但食落意外鮮甜。粟米粒好香甜，減低炸衣嘅油膩。-四重乳酪薄餅芝士味道好足，可以揀薄批或厚批，我揀咗薄批，食落都好外脆內軟。另附有一小壺蜂蜜，俾食客自行淋上薄餅之上，鹹甜交集，感覺好特別。另有核桃碎，增加香脆感。-培根起司瀑布麵芝士醬汁濃稠度剛剛好，整體都入味。麵嘅份量真係好似瀑布咁非常驚人，所以最後都唔係好食得晒。-冰台式鮮檸檬茶呢款凍檸茶同香港茶記飲開嘅真係好唔同，佢嘅味道偏向支裝冰紅茶嘅味道，紅茶味比較突出，但又唔會完全掩蓋檸檬嘅酸味。最得意係頂部有一層泡沫，幾有特色。-牛油果椰奶冰沙呢杯我只係略略試味，因為我本身對牛油果興趣不大。飲落有少少青草味，唔太覺有椰奶味。