撈得喜火鍋冰室

Open Now

Now Closed

做咗成日嘢同同事食埋晚餐先返屋企🤣想暴飲暴食所以搵任食打邊爐，原來有間撈得喜嘅任食火鍋。我哋六點前去到已經食得😂過咗15分鐘人流真係湧現，因為真心平，可以揀雞煲/烤魚/酸菜魚等等，加湯即可打邊爐，仲任食。煲底 諗住無咁肥所以食椰子雞，雞肉嫩而且好入味，雞煲入邊仲有唔少椰子、粟米、芫荽等等嘅配料。水滾咗之後就可以將雞件放落去，飲落去湯底清清地香椰子味真係幾正😝雞件好多有一大碟，每件都唔細肉質幾滑。配料有蝦、蜆、肥牛、牛柏葉、基本上常見嘅配料都有齊晒，種類多幾豐富😃呢到仲有手打魚肉食落彈牙要試！蝦、蜆好大隻，百幾蚊有呢個質素真心幾好。蔬菜配料自己出去拎，菇、菜、丸、響鈴等等咩都齊。佢哋嘅生菜洗得乾淨之餘，顏色靚非常之翠綠，可以放心食用。飲品方面，有無糖有低糖，仲有自家製生果茶，種類選擇多，整體感覺呢個價錢真係好抵食。