18樓雞煲火鍋專門店

Open Now

Now Closed

天氣轉涼，好有意慾食下辣雞煲，今晚黎到旺角創興廣場 18樓雞煲火鍋餐廳地方又大又濶落又乾淨，全場都係卡位，坐得非常舒適。妹仔菜欄凍櫃，整整齊齊放左蔬菜🥬仲有竹蓆水，百花蜜等清熱涼水各種唔同味道嘅汽水飲品就放置另一凍櫃，選擇都非常多。坐落不久店員就送上辣雞煲，二人份量，目測都有成半隻雞，非常滿足點左中辣😋😋😋入口麻麻香香，辣度好適中雞件好嫩滑，尤其雞皮，真係好香滑。邊食邊繼續用手機點其他火鍋配料肥牛，豬梅片必點，肉類都係薄切，係滾湯拖兩拖食得，入口好嫩滑架仲有脆肉鯇腩、海蝦、鱔片，海鮮類都好新鮮，尤其脆肉鯇腩，真係咬落卜卜聲🤤海蝦就爽口鮮甜牛栢葉、豬皮、凍豆腐、花膠、響鈴呢啲攞黎索個麻辣汁就一絕啦👍🏻。總括黎講，二百鬆就可以任飲任食兩小時，而且質素都唔錯，原全冇漏單情況，而且上菜都好快，呢間一定會有回頭👍🏻。