辦館 (KC100) (Closed)

同朋友去完葵興名店outlet shopping ，諗住順便喺附近食個tea，所以近近地去左outlet地下間cafe食。估唔到質素都唔錯，假日人流不多，而且環境幾休閒舒適，好適合同朋友慢慢坐傾吓計。.日式叉燒豬骨湯烏冬估唔到呢個價錢都有d驚喜，賣相同味道都不錯。濃郁的豬骨湯湯底烏冬，配上日式叉燒肥瘦均勻，而且夠淋，伴菜還有日式魚蛋片和粟米。.五香肉丁蛋麵五香肉丁夠香，帶少少辣，再配合個太陽蛋，公仔麵用上出前一丁，呢個係經典港式下午茶組合。.巨峰提子梳打成杯紫色的提子梳打，顏色好靚，打卡一流。巨峰提子味不會太甜，味道剛剛好，如果大杯d就更好。.棉花糖朱古力呢杯係必叫，個朱古力味好濃。上面重有大量棉花糖同朱古好脆米，而且份量比想像中大杯好多，大滿足。