夢工房西日料理 (Closed)

見到網上有好多關於呢間餐廳嘅好評，今日咁啱經過附近，就黎試吓，中午放題非常抵食， $150一個人，就有刺身、壽司、火鍋、沙律、甜品、飲品任飲，試咗佢好多嘢食，包括刺身、肉類食品、同火鍋，新鮮程度及味道都可以，但係就未算好好食，而且午餐放題食物種類非常少，食食吓都唔知可以食乜嘢，但係價錢都算實惠，同樣價錢，喺旺區可能只能夠食一個Lunch set餐，望咗下佢嘅晚餐放題，好似多好多嘢食，如果要試，可能晚餐時段比較好啲。另外，餐廳位置非常近地鐵站，葵芳地鐵站A出口，到商場門口，上扶手電梯就係，都係一個地點方便嘅餐廳。