伊賀日本燒肉料理 (Closed)

比起晚餐放題，我個人真係比較鐘意食午餐放題，因為人會較少，唔駛咁逼，而且會少D出現甩單情況（樓面無咁忙啊嘛），所以今日又黎左尖沙咀試燒肉放題好肥仔！環境好舒服而家好似都流行用iPad落單，真係環保D又方便D！呢間燒肉放題有好多選擇！ 除左必須備有的肉類，仲有刺身、壽司軍鑑手卷、小食、炸物、海鮮、多種蔬菜！好開心！ 實有款岩你口味刺身好新鮮，三文魚好大件、唔慳皮！ 壽司有好多款式，絕對唔駛怕燒唔切而會食唔飽😆我最鐘意：火灸牛拖羅壽司，好味到我encore左！！小食方面，呢個餐廳推介的榴連炸彈，我都強推啊！！ 我係榴連控，所以好欣賞呢款小食！ 啖啖榴連肉，味道唔假，而且出面好脆！當然，唔鐘意食榴連的朋友都唔駛太怕，就算對面食緊，都唔會令你覺得臭，可能燒肉味太強😂😂黎食燒肉，當然唔少得呢個主角，有好多調味料比我地自己再加，決定食物的濃味度！牛豬雞，全部都食哂✅牛舌好好味，但要控制好火喉，燒得耐會變左橡膠，咬唔斷😂✅一口牛，原汁原咪，好香雞翼同豬類就屬於正常！所以黎到，一定要食牛啊😊