茶舍 (MOSTown新港城中心(5期))

Open Now

Now Closed

今日去馬鞍山新港城中心茶舍買午餐外賣。茶舍開了兩個月左右，今日第一次幫襯。午餐時間，差不多全場滿座。午餐選擇多，真係花多眼亂。最後揀左原條魚柳包，菠蘿鮮茄三層焗豬扒飯和牛肋條滑蛋包飯。我最鐘意牛肋條滑蛋包飯。牛肋條有4大條，鹵水炆得夠火喉又夠味道，牛肋條又香又肉味濃，滑蛋包住飯加埋肉汁令人好開胃。原條魚柳包可跟薯條或和風沙律。原條魚柳真係夠分量，味道不錯，外脆內軟滑，配合香脆的包和生菜沙律醬可口。薯條香脆。菠蘿鮮茄三層焗豬扒飯有好大塊豬扒，個醬甜甜酸酸開胃。飲品奶茶香濃，咸檸七有風味。整體食物水準不俗，份量夠，價錢合理。