薄餅怪獸

Open Now

Now Closed

餐廳主打心形pizza，有多款特別既口味，另外，仲有皇牌炸/烤雞、小食。假日晚市到餐廳，好多人親臨買外賣/外賣apps落單。餐廳裝修新潮坐得舒服，qr code落單，有lunch及tea set添。曼克頓pizza($73)，餐廳賣點必叫心形pizza，如果情人節食會好有feel。pizza細細個但餡料爆多，大量雞肉、青椒、洋蔥。芝士鹹香，一定滿足。細細份，就可以叫多幾款試～雖然細款只可以係厚批，但批底唔會硬到咬唔郁，仲鬆軟，同埋香口唔乾身。讚。黑椒無骨豬手拼香草腸($168)，製作要30分鐘，但邊食邊等，時間好快過。送上枱熱辣辣，豬手皮脆卜卜，超香。豬手已起骨，一大塊，食個陣，自己切開，肉嫩，唔會烤到硬。而骨膠原非常黏，完全唔膩，食肉獸必點。香草腸有3條，香烤過後，外皮脆，爆汁。而薯條炸完唔會油。檸檬惹味烤雞($21)，外皮烤完脆脆地，切開嫩滑，充滿肉汁，有蜜糖甜味。建議加錢食雞脾位，會更加惹味及滿足～～小食拼盤($92)，唔駛諗可以一次過試哂幾款，另有美式拼盤可以選擇。雞翼甜甜惹味，一樣多汁，而炸物就算放耐左食，都一樣好脆，咬落去，chopchop聲。餐湯足料，大量蔬菜中和食完炸物