泰 (瓊華中心)

Open Now

Now Closed

瓊華中心出名多美食，同男友放工有時會去呢到搵食，見到泰 thaiology 餐牌唔貴， 環境裝修好闊落舒適禁，所以同男友就入去試。食泰國菜點小得生菜包， 肉碎嘅份量幾多，入面有好多切碎咗嘅肥豬肉同埋香料，食落酸酸辣辣，幾香口，唔錯。炭燒大頭蝦🦐， 上枱嘩一聲，超大隻，仲要爆哂膏， 食落結實爽彈，非常鮮甜。 生蝦刺身，份量多， 有成10隻，仲要係大大隻，爽甜美味，加一粒小蒜，點小小泰式酸辣汁，立即將鮮味提昇。咖哩炒軟殼蟹一上檯，咖哩多到掩沒左d軟殼蟹😝睇見都流哂口水。軟殼蟹份量意想唔到禁多，起碼有成7-8隻，2人食勁full🙈,軟殼蟹外脆內嫩，好厚肉。吸收左咖哩汁好JUICY咖哩味道偏咸，建議加埋飯或者薄餅食最好，吸引哂所有精華。