熊貓小雲吞 (慈雲山中心)

Open Now

Now Closed

誤打誤撞之下竟然發掘了呢間窮人恩物，價錢相當便宜抵食，但味道很高質既四川小雲吞，二個人食到飽飽。佢菜式選擇都多，先點了芝麻鹽焗雞餐($73)，呢個個餐真係十分豐富，除咗主角鹽焗雞川式涼麵走辣，仲有一份小食涼拌松花皮蛋同飲品，走辣更能品嘗到本身鹽焗雞嘅精髓，雞分量都算多，而且啖啖肉，芝麻又香又入味。之後要做主打嘅鮮蝦小雲吞，餐廳講明豬肉肥瘦比例係3:7所以食落唔會啖啖肥膩感，蝦肉彈牙，再配紫菜湯，夠哂清甜。之後再要咗個手工涼皮中辣，呢款啱晒食辣人士，配料有好多花生脆豆，惹味濃郁。我哋仲叫咗個炸雲吞小食，炸得十分香脆可口，推介。餐廳仲有唔少正宗四川自製醬料可供購買，我地仲特登買左麻辣醬返去自制伴麵！