升哥點心 (Closed)

好耐冇食過點心，今晚心血來潮同朋友2個人去左元朗幾出名既升哥點心，試一試佢！ 間店好細間，大概坐20人左右就好滿，咁岩去到有2個位，唔洗等位就有得食啦。我地點左每位香港人都必點既蝦餃燒賣，同流沙包，仲有黃金糕等等。我個人非常推薦流沙包，個包有表情勁可愛，一打開啲奶黃係爆出黎，熱辣辣超好味。另外，我地仲試左二款特色點心，別有洞天脆皮腸，佢個樣完全打破左我對腸粉既印象，入面包左肉，同一層脆皮，咬落去口感好豐富。最後就係和風千島醬薄餅，其實係有啲似日本嘅大阪燒，入面有粟米蟹柳，面頭滿滿既千島醬好邪惡啊！