鍋心海鮮燒 (Closed)

收工臨時決定同媽媽去撐台腳，大概六點去到，店內稍顯冷清，店家比左張三人枱，坐得舒服闊落。第一次試食，睇完Openrice推介叫左蒜蓉蟶子，泰式象拔貝，麻辣鮑魚和鹽燒䱽魚，但睇menu有深海泥鯭，因為是剛剛才落單，即時叫店家幫忙改單，店家都樂意幫忙，再遲些都唔好意思叫店家改單了特意叫齊唔同醬汁試味。蒜蓉味發揮到水準，非常香，襯得海鮮更甜；泰式味有小小帶酸，見到明顯辣椒仔，所以都有返咁上下辣味，但媽媽似乎更喜歡蒜蓉；水煮麻辣味也很不錯，令我想起在四川食的麻辣火鍋，煮鮑魚呢d冇乜味既野襯到絕。我食到少少辣，整體調味我完全接受到，但好辣既人可能要落單時講明加辣才會過癮。自己叫左碗白飯，海鮮撈飯好食到停唔到口。最後同媽媽encore一輪貝類和蟶子，兩個人總共叫左7樣，媽媽來之前有食下午茶，我自己叫碗白飯都叫飽，埋單每人$130，食得非常開心。佐敦一出行5分鐘就係到，之後會再encore，下次可能食得再放d😂