牛壹台食 (Closed)

又係OT嘅日子🫠食嚟食去都係嗰啲，今日竟然發現新大陸😳（唔係佢新開，係我少經過😅）叫左兩個套餐，主食有好多款可以揀，湯麵，拌麵，麵線，飯，冬粉都有，我地揀左台式滷肉拌麵$58同招牌紅燒牛腱心牛肉麵$78~紅燒牛腱心牛肉麵🍜料好多，牛腱心燜得好稔好入味，因為係牛腱，又有筋又有肉，咬落好Q (變左台灣人🤣)鮮製幼麵又滑又唔易斷，唔會食到最尾碎晒👍🏻台式滷肉拌麵滷肉入口即溶，而且滷得超入味，仲甜甜地，送飯送麵都一流，搞到我掛住不停食個麵 😅加左兩份小食，煎蛋餃都只係加$28，有8隻😳蛋餃邊煎得脆脆，餡好多汁，第一次食煎蛋餃，原來咁好食仲叫左藥膳醉香單骨雞翼，加$32，份量都唔少，藥膳味夠濃，少少甜，皮好薄，有人食到停唔到🤣跟餐有飲品，有人覺得天氣仲涼涼地，叫左個柚子蜜，足料但係又唔會太甜，剛剛好我就補差價加$6轉左鮮橙綠茶，感覺清新D，橙味好出👍🏻