Elephant Kitchen (Moved) New Location

小店裝修普通，位置少少迫，之前聽聞女店員服務態度差，但我又唔覺特別差，好正常，可能佢態度有改善，吸返客？叫左個紅酒燴羊膝，煎牛排，每個餐會跟一小杯湯同沙律，佢既湯係非常濃稠，好夠味，感覺係好精華既一杯濃湯咁。佢個沙律既醬係蜜糖芥末醬。紅酒燴羊膝，一上菜，好大，啲羊肉好淋，一切勁易分離，紅酒味少許，羊肉無乜羊味，但勝在羊膝肉非常嫩，而且，非常鍾意佢既配菜，紫薯泥，好有紫薯味，香甜，軟糯綿。煎牛排既生熟度亦非常到位，有牛味，而且擺盤都好美觀，有機會下次一定會再來食的。