皇廷工房點心專門店 (Closed)

最鍾意週末朝頭早，同囡囡去飲茶，慢慢歎，食一盅兩件，真係人生嘅一大樂事。唔好以為飲茶好老土，而家好多點心專門店都裝修得好新潮。今朝就去咗觀塘嘅皇廷工房點心專門店，餐廳佈置幾有型格。見到都幾多街坊嚟幫襯，同埋呢度服務好好㗎，例如囡囡有咳，店員姐姐就話沖杯柚子蜜佢飲，好有人情味。餐廳嘅價錢仲好抵，冇加一，十幾廿蚊就有交易。叫咗好多嘢食有時蔬、鵪鶉蛋燒賣、釀尖椒、 蒸蘿蔔糕同紅棗糕。囡囡超鍾意食紅棗糕，佢自己一個人食曬成籠🙈釀尖椒幾特別，上面有啲日本菜常見嘅柴魚片，囡囡好鍾意，貪佢夠香口，之後姐姐見佢鍾意食，就入廚房添，畀佢食完，又再問佢仲要唔要，so nice 🤭