桔梗 (Closed)

呢間餐廳係旺角，夜晚好多人排隊，所以記得book定枱！佢有個二人套餐（$528), 都幾抵食～包左好多款小菜同小食，好啱啲情侶/女仔frd share嚟食😍套餐包括：吞拿魚刺身：上面有啲芥末醬，辣辣地，幾好食😋👍🏻茶漬飯：佢選用左日本米，質地硬身而且有咬口。一款茶漬飯有明太子，有鹹香，送飯真係一流🤤🤤；另一款係三文魚茶漬飯，但個人比較中意明太子茶漬飯。烏冬方面，烏冬嘅湯底係鰹魚，中意食日本嘢嘅朋友應該會幾鍾意，同埋佢嘅烏冬係選用左稻庭烏冬，質地有咬口，同埋都幾煙韌～👍🏻小食方面，佢個炸雞啲外皮好鬆脆，粉質又唔會話好厚實，而且雞肉嫰滑，一啲都唔柴皮。而個醬汁就選用左酸甜醬，夏天食真係十分之開胃🤤🤤然後就係輪到蝦餅，佢係咁多款小食入面當中我最鍾意❤️😍真係好好食，可以食到佢入邊有好多蝦，好足料👍🏻😋😋至於腩肉佢係半肥瘦，都燒得幾好食～同埋份量超多😍跟住就係有一大碟明太子燒魷魚🤤個份量都幾多～所以呢個套餐係好抵食！飲品方面，我哋叫左兩杯凍鮮奶抹茶，都幾重抹茶味👍🏻然後甜品係我最中意食嘅伯爵茶蛋糕，個蛋糕好大個，而且幾香～ 所以呢一餐真係幾抵食～